Një shtetas shqiptar, ka rënë në prangat e policisë italiane pasi ka tentuar të grabisë pronarin e një lokali. Gjithçka ndodhi midis mbrëmjen e së shtunës, ku pronari i lokalit po kthehej në shtëpi pasi kishte mbyllur biznesin e tij.
Pikërisht në momentin kur ai ishte gati të hapte derën e shtëpisë, iu hodhën me forcë dy individë të maskuar, të armatosur me armë dhe thikë. Ata e kërcënuan të dorëzonte paratë e fituara, rreth 800 euro dhe më pas u larguan me shpejtësi.
Menjëherë pronari i lokalit njoftoi policinë dhe falë indikacioneve të dhëna, si edhe theksit shqiptar, kanë rënë nën gjurmët e agresorëve.
Policia ka arrestuar Theodhori Gravova, 25 vjeç, i cili ishte nën mbikëqyrje të autoriteteve. Më parë ai kishte precedentë për drogë dhe mes miqve ishte vendosur në Modica Alta.
Ai ishte strehuar në shtëpinë e një shtetasi italian, të njohur për dosjet penale, ku gjatë kërkimit nga policia u zbuluan edhe armët e përdorur në grabitjen.